I ferri du misteri di Alfonso Saya
I ferri du misteri
Chi ricogghi
Cu tantu amuri
Mimmu Gerbasi
Chi fannu tanta mustra
Nta stu museu
Non sunnu ferri vecchi
Ferri chi non hannu valuri
Ferri chi non diciunu nenti
Sunnu ferri priziusi
Chi parrunu….chi parrunu
Cuntunu tempi belli
Cuntunu tempi favulusi
Cuntunu tempi chini di travagghiu
Cuntunu tempi chini di fedi
Cuntunu tempi chini d’amuri.
Messina 15/11/2010
Alfonso Saya
U museu da Castania di Mariella Smedile
O latu da piazzetta
iapreru na stanzetta
c’è puru u supra
chi veni apettu ogni ura.
Di ddu latu c’è u dutturi
di stu latu c’è Gerbasi comu Diritturi,
e di fora a bedda scritta: Museo
“I ferri du misteri”
menu oggi e chiù ieri.
Ntrasennu a mani ritta
nta na teca c’è a navitta
cu tappu e na clessidra e intra nu sunagghiu
e lu maritu sapia
si la mugghieri puttava avanti lu travagghiu.
Ittannu l’occhi nta vitrina
mamma mia quant’è china!
indulu fusi e canocchi chiavi a rannula,
macinini e ppi l’ogghiu i misurini,
l’aratru e a nassa u chianozzu e du buttaru,
a spunsalora pi scassu, u signaturi e
a menza chiana, u matteddu impillicciari
chi si fannu vaddari e ti fannu puru ricuddari.
E ppi finiri u squattamaiali,
supra i noti di strumenti musicali
Mariella Smedile
